آه من الحب

اه من الحب اه من الحب

لما يدق الحب بابنا

لما يكون سر عذابنا

لما يضيع عشانه شبابنا

اه من الحب اه

لما ييجي الحب علينا

يجرحنا ويبكي عنينا

ويدمرنا بكل ما فينا

اه من الحب اه

اه من الحب بنعيشه بنعيشه ومش عارفين معناه

بنحب الحب ليه احنا وبنعيشه بحلاوته ومره وقساه

وانا صدقت حبيبتي في يوم

وسهرت عشانها مدقتش نوم

وفي الاخر جابت عليا اللوم

كان ذنبي ايه انا

عشان حبيتها بكل ضمير

بنية صافية وقلبي كبير

سابتني للشوق والعذاب اسير

بعد ما كانت دنيتي هنا

شفتوا الحب بيعمل ايه نسيب جنتنا عشان ناره

يرمينا للقسوة فإيديه والعذاب دايما اخر مشواره

الحب اللي احنا عايشينه

وليلنا نهارنا شايفينه

اصحابه احنا ولا عدوينه

لا لسه مش عارفين

ييجيلنا في هيئة ملاك

ويمشينا على الاشواك

ونلاقي في أخره عذاب وهلاك

وهو ده حصاد السنين

سنين راحت من عمرنا ضيعناها على الغرام

الحب كان بيذلنا وياريته حب ده كان اوهام

اه من الحب واه من الدنيا وألف اه من الايام

شاعر الحب الحزين

خالد ملك الاحزان